Lamentablemente, a situación do Museo de Arte Contemporánea Carlos Maside segue na mesma parálise causada pola inoperancia dos seus xestores.

Demandamos actuacións urxentes: reparar o desgaste do edificio e actuar de inmediato para protexer este legado en severo risco

Este excepcional Museo de Arte Contemporánea naceu hai 50 anos e alberga un ben inmóbel senlleiro e uns bens mobles de incalculábel valor inmaterial. O seu legado representa o proxecto de recuperación da memoria histórica galega a través da recuperación do patrimonio artístico do exilio, converténdose, desde as achegas colectivas, no espello da renovación da arte contemporánea galega desde un proxecto museográfico pioneiro, aberto, activo, dialogado coa obra; un museo vivo.