Balbina

Unha parte destacábel da historia de Sada está vinculada á pesca e o comercio do patexo, efectuados na nosa ría desde tempos inmemoriais e ata o último terzo do século XX. Este crustáceo, pouco consistente e con grandes proporcións de cal, sosa e potasio, utilizábase para fertilizar e desinfectar as terras de labranza en substitución ou como complemento do esterco.

A derradeira embarcación patexeira que se coñece foi incluida recentemente no Censo de Patrimonio para as embarcacións tradicionais e barcos históricos de Galiza. Cedida pola mencionada A.C.M. Os Patexeiros e pertencente ao Concello de Sada, atopábase fondeada nas inmediacións do Porto de Lorbé, enfrontando temporais e agardando ao seu destino.