Entendemos que o PSOE de Sada debe actuar con rotundidade e cortar definitivanente a posibilidade de que os concelleiros tránsfugas sigan usando as siglas dese partido nos plenos para evitar este espectáculo bochornoso.

Se é lamentable que dous meses despois os nove tránsfugas sigan falando en nome dos partidos de orixe, máis o é que a concelleira tránsfuga do PSOE aproveite para afundir aínda máis a credibilidade do seu partido ao achacarlle que a decisión de expulsión puidera ser cousa dunha persoa por motivos de parentesco co alcalde censurado Benito Portela. É unha acusación moi grave á que debería poñer coto o PSOE local así como a comisión executiva federal, cuxas decisións acaban de ser postas en cuestión.