A proposta contou co voto favorable de María Nogareda, esquecendo que os materiais de Queiroa son utilizados a diario nas actividades extraescolares dese Centro e que o resto do material é vestiario que Queiroa ven prestando históricamente para múltiples actividades do centro, festivais, etc. E incluso persoas integrantes do grupo participaron en todas as actividades nas que lles foi solicitada a súa presenza, sen ningún outro interese que colaborar. Queiroa naceu a comezos deste século por iniciativa de país e nais que daquela formaban parte da ANPA dese Centro e que ao rematar os seus fillos o ensino primario, seguiron vinculados a través da Asociación realizando actividades co Colexio e co Concellode Sada. O local de onde pretenden desahucialos non é unha aula propiamente dita, como se di no acordo. É un local con entrada independente respecto das aulas e oficinas e o seu uso en nada interfire a actividade lectiva, que por outra parte sempre é utilizado fóra do horario escolar e foi acondicionado polo Concello de Sada, por solicite no seu día por Queiroa, precisamente. Esta actuación de María Nogareda, perxudicando claramente a Queiroa, nunca foi comunicada ao BNG como parte integrante do governo do que ela tamén formaba parte. O BNG critica o oscurantismo practicado por Nogareda, non comparte a decisión adoptada como representante municipal e amosa o apoio ao Grupo Queiroa. Só se pode apoiar unha decisión así cando non se coñece a historia recente do asociacionismo cultural en Sada, do que Queiroa forma parte.