O BNG de Sada esixe celeridade na substitución dos colectores de lixo
Desde hai semanas é habitual ver polas rúas de Sada colectores do lixo colocados do revés. Lonxe de tratarse dun acto vandálico, esta imaxe responde á operación de substitución dos colectores por parte da empresa encargada da recollida de lixo no Consorcio.
Esta renovación está a desenvolverse en todos os concellos da comarca, pero chama a atención que Sada sexa o último municipio no que se están levando a cabo estas tarefas. Un detalle que evidencia unha realidade preocupante: cando desde o Concello non se exerce un control efectivo nin se esixe responsabilidade ás empresas de servizos descoidan as súas obrigas coa veciñanza.
Desde o BNG esiximos maior rigor e compromiso por parte das administracións locais para garantir que os servizos públicos se presten en igualdade de condicións en todos os concellos. A veciñanza de Sada merece que se defendan os intereses comúns fronte á desidia do Consorcio.
